MatvŠla- og nŠringarfrŠ­afÚlag ═slands
FrÚttir Greinar & pistlar Fundarger­ir Myndaalb˙m Tenglar A­ildarumsˇkn Rß­gj÷f & ■jˇnusta
Senda ß fÚsbˇk

A­alfundur MN═ 6.maÝ 2013
06 maÝ 2013 20:00

Aðalfundur MNÍ

Dags. 6. maí 2013 kl 20.00

Fundarstaður: Grand Hótel, Reykjavík

Dagskrá: Aðalfundarstörf skv. lögum félagsins,

  1. Skýrsla stjórnar um störf félagsins á liðnu starfsári.
  2. Reikningar félagsins.
  3. Starfsáætlun og fjárhagsáætlun næsta starfsárs og ákvörðun félagsgjalda.
  4. Skýrslur nefnda.
  5. Skýrslur fulltrúa MNÍ í öðrum félögum.
  6. Atkvæðatalning kjörs til stjórnar félagsins. Þeir sem hafa áhuga á að gegna embættum fyrir félagið snúi sér til stjórnar eða sendi póst á mni[at]mni.is
  7. Kjör tveggja endurskoðenda og eins til vara.
  8. Aðrar kosningar, svo sem kjör fulltrúa í önnur samtök.
  9. Önnur mál.

Fundur settur kl 20:10

Fundarmenn: Auk stjórnar MNÍ (Helen Gray, Herdís M Guðjónsdóttir, Ragnheiður Guðjónsdóttir, Baldvin Valgarðsson og Rakel Dögg Hafliðadóttir) voru mættir 15 félagsmenn.

Formaður MNÍ Herdís M. Guðjónsdóttir (HMG) opnaði fundinn og lagði til að Margrét Bragadóttir (MB) yrði fundarstjóri. Samþykkt.

 

Áður en gengið var til dagskrár gekk MB úr skugga um það að löglega hafi verið boðað til fundarins. Það var svo. Þá gerði MB það að tillögu sinni að fundar menn kynntu sig, greindu frá menntun og hvar þeir ynnu.

  1. Skýrsla stjórnar um störf félagsins á liðnu starfsári:  HMG flutti skýrslu stjórnar, þar sem hún greindi fyrst frá helstu viðburðum í félagsstarfinu sl. ár s.s. vorferð í skógræktarreit félagsins í Heiðmörk, boð í æfingakvöldverð nema í Hótel og matvælaskóla Íslands,  undirbúningi og framkvæmd Matvæladagsins og boð til Nóa Síríus skömmu fyrir jólin. Þóttu viðburðirnir vel heppnaðir og þakkaði HMG öllum félagsmenn sem lögðu fram vinnu og mætti á viðburðina.  HMG nefndi að mikilvægt væri að koma upp GPS hniti á skógræktarreitinn til hægðarauka fyrir félagsmenn. Einum viðburði var frestað, en sá snéri af kynningu á félaginu og störfum félagsmanna fyrir nemendum í fögunum við HÍ.

Á árinu komu nokkur lagafrumvörp og reglugerðatillögur komu til umsagnar stjórnar félagsins og bar þar e.t.v. hæst ný heildarlöggjöf um heilbrigðisstarfsmenn. Umsagnir um starfsréttindi voru nokkrar á árinu en fyrirkomulagi í kringum þær var breytt á árinu, þar sem þær skulu nú berast beint til þar til bærrar deildar Háskóla Íslands. Nokkrar umkvartanir hafa borist til stjórnar á árinu vegna notkunar einstaklinga, sem ekki hafa til þess þann bakgrunn í menntun, að mega nota löggilt starfsheiti félagsmanna. HMG sagði að símtöl og bréfaskriftir hafi verið við þá einstaklinga sem umkvörtun beindist að.  Spurning kom þá úr sal hvort önnur eftirfylgni væri með dæmum sem þessum. HMG sagði svo ekki vera og lagði til að ný stjórn tæki verkefnið upp við fyrsta tækifæri.  Þessi tengt nefndi HMG innsenda grein tveggja félagsmanna í 98. tölublað Læknablaðsins árið 2012 um samstarf heilbrigðisstétta og löggilda næringarráðgjöf. Hún þakkaði fyrir gott framtak þeirra.

HDG greindi frá góðum fundi sem haldinn var með forsvarsmönnum og kennurum nýs alþjóðlegs M.Sc. náms og þeim áhuga sem þar virðist ríkja fyrir að efla nám í matvælatengdum fögum. Í vetur voru 14 nemar, þar af 12 íslenskir og 2 erlendir.  Þá kom fram í máli HMG að samningur við EHÍ hafi verið endurnýjaður og að nýr vefstjóri, mni.is, Hrund Valgeirsdóttir hafi tekið til starfa, ásamt því að nýtt útlit síðunnar væri orðið virkt..

  1. Reikningar félagsins: Rakel Dögg Hafliðadóttir, gjaldkeri, sté næst í pontu og greindi frá því að sökum tafa við endurskoðun reikninga félagsins væri ekki hægt að leggja þá fram. Nokkrar umræður urðu þar um og kom þá fram tillaga um frábrigði frá lögum félagsins, í ljósi þess að til fundarins var boðað löglega, að reikningarnir yrðu sendir til áhugasamra á tölvupósti þegar þeir lægju fyrir. Það var samþykkt.
  2. Starfsáætlun og fjárhagsáætlun næsta starfsárs og ákvörðun félagsgjalda: HMG sté í pontu greindi frá því að starfsáætlun lægi ekki fyrir í ljósti þess að 3 (þar á meðal formaður) af 5 gengu nú úr stjórn . Hún minnti á að ákvörðun um hækkun félagsgjalda hafi verið tekin á síðasta ári og tæki hún gildi á þessu ári. Varðandi fjárhagsætlun sagði hún hana verkefni nýrrar stjórnar en lagði til að engar meiriháttarbreytingar yrði gerðar á rekstrinum og áfram yrði gengið út frá því að Matvæladagurinn stæði undir sér.
  3. Skýrslur nefnda: Ekki sérstaklega fært til bókar, en Fríða Rún Þórðardóttir greindi m.a. ítarlega frá framkvæmd Matvæladagsins 2012, undirbúningi að nýjum samstarfssamningi MNÍ og EHÍ, ásamt fleiru.
  4. Skýrslur fulltrúa MNÍ í örðum nefndum:  Ekki sérstaklega fært til bókar
  5. Atkvæðatalning kjörs til stjórnar félagsins og formanns: Eftirtaldir aðilar buðu sig fram til stjórnar og formanns:

Til stjórnar                 Anna Rósa Magnúsdóttir

                                     Oddný Kristín Kristbjörnsdóttir

Til formanns              Helga Sigurðardóttir

Engin mótframboð voru og því sjálfkjörið til stjórnar og formanns.

  1. Kjör tveggja skoðunaramnna reikninga og eins til vara:  Eftirtaldir aðilar voru tilnefndir til áframhaldandi embætta:

Endurskoðendur       Pétur Helgason

                                     Ingibjörg Gunnarsdóttir

Til vara                        Ekki kjörinn

  1. Aðrar kosningar, svo sem kjör fulltrúa í önnur samtök: Aðrar kosningar voru engar.
  2. Önnur mál:
    1. Hrund Valgeirsdóttir nýr vefstjóri mni.is sté í pontu og ræddi efnistök vefsíðunnar og Fésbókarsíðu félagsins.





MN═ | MatvŠla- og nŠringarfrŠ­afÚlag ═slands | Pˇsthˇlf 8941 | 128 ReykjavÝk | SÝmi 863 6681 | Netfang: mni[at]mni.is
Vefur MN═ byggir ß D10 Vefb˙na­i. ═slenskt hugvit fyrir Ýslensk fÚlagasamt÷k.