Árshátíð MNÍ 2015
Árshátíðin var haldin 17 október að Hallveigarstöðum. Skemmtinefnd MNÍ, Áróra Rós, Ellen Alma, Hafdís og Valgerður Lilja sáu um skipulagningu og var þetta frábært framtak og mikil skemmtun. 
Á forsíðu undir flokknum Myndaalbúm má sjá myndir frá árshátíðinni.

Íþróttir og útivist
Íþróttanefnd heldur okkur á hreyfingu með því að skipuleggja útivistarferðir. Hér eru myndir úr gönguferð á Vörðuskeggja.

Skógrækt
MNÍ var úthlutað landi í Heiðmörk árið 1995. Á hverju ári hafa félagsmenn farið í skógræktarferð, plantað trjám, grillað og haft gaman af.

Leiðarlýsing
Reiturinn okkar er á svæði sem kallast Löngubrekkur. Ef ekið er inní Heiðmörk Rauðhólamegin er ekið eins og leið liggur eftir Heiðarvegi þar til komið er að Hjallabraut (ca. 1,6 km frá brú). Ekið eftir Hjallabraut og þegar komið er að vegamótum Hjallabrautar og Strípsvegar er ekið áfram um 400 metra og þar beygt inn á afleggjara á vinstri hönd. Eins og stendur er ekkert við veginn sem vekur athygli á þessum slóða en úr því verður vonandi bætt síðar. Haldið áfram eftir slóðanum eins langt og menn eða bílar komast. Ef komið er inn í Heiðmörk Vífilsstaðamegin er ekið eftir Hlíðarvegi og eru alls um 6,4 km frá hliði að afleggjaranum "okkar". Á þeirri leið er m.a. keyrt fram hjá Hjalladal þ.s. tjaldstæði er og þaðan eru um 2 km í afleggjarann.